Dende a EDLG lanzamos un novo reto dentro dun ciclo de actividades arredor da figura da poeta Xela Arias, homenaxeada nas Letras Galegas 2021.
Esta actividade vai dirixida a toda a comunidade educativa (alumnado, profesorado, pais e nais).
Anímate a participar, só tes que seguir os seguintes pasos:
1º PASO
Trátase de elixir a palabra, título de obra ou poema, frase... que máis che guste ou inspire dentro da obra de Xela Arias.
Debes escoller unha palabra coma por exemplo ave, cabalo, folla de outono, lúa, estrelas, sereas, corpos...ou un título, Tigres coma cabalos, Denuncia do equilibrio, Intempériome, Darío a diario...ou unha frase, De certo a vida ía en serio, Trouxen augamel para agasallarte, Fogar, a xaula onde nos encerramos...Podes facelo tamén a través de diferentes entradas que iremos publicando no Blog ou nos poemas de Xela Arias que consultes pola túa conta.
2º PASO
Re-crea a palabra, título, frase elixida de forma creativa.
Con que materiais? Con calquera, reciclados, reutilizados (cartolina, cartón, papel de agasallo, madeira, plástico, vidro, pedra, tea, cortiza, arame, botóns, las, fíos....
Con que técnica? Técnica libre (debuxo, collage, montaxe, fotomontaxe), todo vale, así que deixa voar a túa imaxinación!
A idea é que palabra e representación estean relacionados dalgún xeito. Aquí tedes exemplos que vos podes inspirar:
3º PASO
Para entregalo:
LUGAR: AULA 12
DATA LÍMITE: LUNS 10 DE MAIO
Haberá sorpresas para os traballos máis orixinais!.
4º PASO
Exposición de todos os traballos.
Ningún comentario:
Publicar un comentario