Presentamos hoxe a unha desas persoas especiais, estar ao seu carón é descubrir novos camiños, é gozar, é aprender.
A súa posición ante a vida é apaixonada, sempre na procura da utopía necesaria. Non soñar, para el, limita a vida.
Xabier é MESTRE, deses imprescindibles que a tod@s nos gustaría ter. Amosa entusiasmo en todo o que fai, o mesmo interpreta que debuxa ou escribe contos.
É un referente incansable como aliado feminista.
Xabier Vázquez é un apaixonado da música, da fotografía, da natureza brava e fértil que medra onde quer.
Mais, o que mellor sabe facer, Xabier Vázquez Parcero é escoitar e falar. O seu uso da linguaxe non é casual, non obedece só á gramática, senón a afectos, ideoloxía ou rebeldía se for necesario.
Entrañable amigo que amosa o cariño onde non chegan as palabras.
Xabier é doutra dimensión, ser xenial.
XVP, docente do IES Félix Muriel de Rianxo.
