🧬🧪🔬Hoxe celébrase o día da Muller e a Nena na Ciencia, este ano dedicado a xenetista Jimena Fernández de la Vega, primeira licenciada en Medicina pola Universidade de Santiago de Compostela, xunto coa súa irmá, Elisa, onde acadou ademais o premio extraordinario.
A Real Academia Galega das Ciencias (RAGC) destaca como esta científica tivo o grande acerto de incorporar a xenética ao ámbito da saúde, sendo unha verdadeira pioneira da xenética médica en España.
 |
| Jimena Fernández de la Vega, imaxe tomada de elcarreo.es |
Nestes tempos pandémicos, bótanse de menos as prácticas de sempre, as de enredar, as que emocionaban ao alumnado, que recollía con ollos de sorpresa e ilusión esa frase de "hoxe toca ir ao laboratorio!". Agora que estas actividades se viron reducidas a algunha pequena experiencia na que se deben ter en conta tódalas medidas do protocolo da covid-19, o EDLG, en colaboración co departamento de Bioloxía e Xeoloxía, quere facer esta pequena homenaxe ás nosas alumnas, visibilizando así o relevante papel da muller na ciencia ao longo da historia. Por MÁIS referentes de MULLERES NA CIENCIA! 🦠🩺💜
Ningún comentario:
Publicar un comentario