Premios Mestre Mateo 2021

🎬🍿🎥 Onte o audiovisual galego vestiuse de gala! 

O filme Ons, do compostelano Alfonso Zarauza, xunto con A Illa das Mentiras, da coruñesa Paula Cons, foron as claras gañadoras na XIX edición dos Premios Mestre Mateo celebrada onte no Teatro Colón de A Coruña.

Lucía Veiga e o grupo De Vacas, imaxe tomada de diariodepontevedra.es

Ons acada 13 premios, incluídos o de mellor película e, nas categorías de interpretación, as de mellor actriz protagonista (Melania Cruz), mellor actor protagonista (Antonio Druán "Morris") e mellor actriz de reparto (Marta Lado).

A Illa das Mentiras, pola súa parte, logra 5 galardóns, entre eles, o de mellor dirección para Paula Cons e mellor interpretación masculina de reparto (Milo Taboada).

     

📋✏️ Deixámosvos un pequeno listado dalgunhas das producións tamén premiadas, moitas das cales xa recomendaramos neste blog. Tomade nota!

- Nación, de Margarita Ledo: mellor película documental.

- Néboa: mellor serie de televisión. 

- Xan, de Lucía Estévez e Miguel Canalejo: mellor serie web.

- Xoves de Comadres: mellor curtametraxe de imaxe real.

- Carne: mellor curtametraxe de animación.

- Muinheira de Interior, de Boyanka Kostova, dirixido por Xaime Miranda: mellor videoclip.