Somos Castelao

 Este xaneiro colgamos en Instagram algunhas citas significativas do pensamento político de Castelao co alumnado caracterizado coma na súa famosa autocaricatura.

A pintura de Castelao

 Durante xaneiro e parte de febreiro tivemos expostas nos corredores láminas cunha escolma da obra pictórica de Castelao.

As matemáticas son máxicas

 Co gallo do mes da ciencia tivemos a actividade "As matemáticas detrás do imposible" para 3º ESO. Puidemos aprender como podemos empregas conceptos matemáticos para facer trucos de maxia e de paso comprobar que as mates tamén se poden explicar en galego.

Samaín e magosto

 Este ano decidimos xuntar as actividades do día de defuntos/ Samaín cun magosto. Dous aspectos da cultura tradicional que coinciden no outono.

Parabéns a quen gañaron o concurso de disfraces tanto na categoría individual coma en grupo.

 O 1 de outubro coincidindo co Día do Orgullo Neofalante, na honra de Andrés do Barro, acudiu ó centro Pepe Cunha para falarnos da historia da música pop en galego.