Comezamos co ciclo das festas do ano. Iníciase o ciclo de inverno co recordo ós nosos defuntos e defuntas. A finais de outubro teñen o seu protagonismo as ánimas e o alén. E para recordarnos ou darnos a coñecer as nosas tradicións coma as cabazas de Samaín, os colares de zonchos, a Compaña...tivemos unhas charlas a cargo de Orgullo Galego nas que nos falaron da súa orixe, por que se foron perdendo e como se foron recuperando en tempos recentes.

Volvemos un curso máis. Este ano ademais estreamos taboleiro na cortiza da entrada. Iremos poñendo suxestións de actividades, concursos, novas...e calquera cousa que nos poida valer para poñer de relevo que en galego podemos facer calquera cousa que nos pase pola cabeza!

A poesía de Luisa Villalta vai con nós

O alumnado de expresión artística de 4º ESO tamén se uniu á conmemoración das Letras Galegas a través da poesía de Luisa Villalta. Afondando nos seus poemas escollemos aquelas partes que máis nos inspiraron para deseñar o estampado nunha camiseta. Velaquí o resultado.

Máis Letras Galegas

Seguindo coa conmemoración de Luisa Villalta o alumnado de 1º e 2º de ESO puido desfrutar dun vídeo no que aprendemos máis sobre a figura de Luisa Villalta como escritora pero tamén como profesora.